U-30aren harira, agerraldi jendetsua larunbatean Antxon
13:00etan egingo dute agerraldia, Gure Zumardian. Antxotarrei bertaratzeko eskatu diete.
Lan, pentsio eta bizitza duinen aldeko greba orokorra eguna da hilaren 30ekoa (osteguna). Pasai Antxon batzordea eratu dute deialdiari erantzuna emateko, eta bertatik iragarri dute agerraldi jendetsua egiteko asmoa dutela larunbat honetan (hilak 25), 13:00etan Gure Zumardian.
Bertara deitu dituzte gazteak, pentsionistak, autonomoak, mugimendu feministako kideak, dendari eta komertzianteak, langabeak, prekaritatea jasaten dutenak, migranteak, gurasoak, “hurbildu zaitezte borrokara. Lortuko dugu!”, esan dute.