Euskaraldian entitateek izan behar duten papera aztertuko dute lau barrutietan
Eragile kolektiboekin nola koordinatu eta hurrengo hilabeteetan emango dituzte pausuak erabakiko dituzte barrutiz-barruti datozen egunetan.
Geroz eta gutxiago falta da Euskaraldiaren bigarren ediziorako. Azaroaren 20tik abenduaren 4ra euskararen normalizazioa helburua duen esperimentu soziala egingo da Euskal Herria osoan. Datozen egunetan Euskaraldia prestatzen saio irekiak egingo dituzte Pasaiako lau barrutietan. Lehen edizioan gizabanakoen hizkuntza ohituretan eragitea lortu zen. Bigarren honetan, ordea, saiakera kolektiboagoa izango da, pertsonez gain, entitate, elkarte eta bestelako talde eragileetan euskarak pisu handiagoa izatea baita.
Entitateengan nola eragin eta hurrengo hilabeteetarako lan plana; horiek dira hain zuzen ere Pasaiako saio irekietan jorratuko dituzten gai nagusiak. Hurrengoa Antxon izango da, larunbat goizean. Jarraian, Trintxerpe, San Pedro eta Donibanen egingo dira.
Euskaraldia prestatzeko saio irekiak.
Otsailak 8, larunbata
- Pasai Antxoko Gure Zumardian, 10:00etan.
Otsailak 10, astelehena
- Trintxerpeko alkateordetzan, 19:30ean.
Otsailak 12, asteazkena
- Sanpedroko Ertin (udal aretoan) 17:30ean.
Otsailak 14, ostirala
- Donibaneko Juanba Berasategi Kulturgunean 18:00etan.