PSE-EE: "Lezoko udalak ingurumenarekiko duen konpromisoa berretsi du"
Ingurumena babesteko bi neurri onartu ditu Lezoko Udalak: alde batetik URA Uraren Euskal Agentziarekin lankidetza protokoloa hitzartu dute. Bestetik, Zaraten Ekintza Plana onartu zuten atzo, osoko bilkuran.
Lezoko Udalak ingurumenarekiko konpromisoa berretsi duela uste du Joxean Sanchez, PSE-EEko bozeramaileak. Lezoko Udaleko Ingurumen eta Trantsizio Ekologikorako zinegotzi eta PSE-EEko bozeramaile Joxean Sanchezek, “Lezoko udalak hartutako azken neurriak” nabarmendu ditu, ingurumena zaintzeko garrantzitsuak izango direlakoan. Atzoko osoko bilkuran, ingurumenari men egiten dioten bi neurri onartu ziren.
URA Uraren Euskal Agentziarekin lankidetza protokoloa hitzartu du Lezoko Udalak. Protokolo honen baitan, ibai ekosistemak, ibarrak eta Lezoko ur azpiegitura publikoak babesteko esku hartze plana diseinatu ahalko du udalak, URA agentziarekin koordinatuta. Neurri honek, PSEk eta EAJk osatzen duten Udal Gobernuak, ingurumenarekiko duen konpromisoa erakusten duela diote PSEko iturriek.
Zarata ere izan zuten hizpide atzoko plenoan, Zaraten Ekintza Plana, onartu baitzuten. Plana sortzeko, dagoeneko eginda zegoen zaraten mapan oinarritu dira. Inguruetako gehiegizko zaratak gutxitzea eta kalitatezko inguru akustikoa mantentzea dira. Planak 5 urteko iraupena izango du eta udalari zaratek eragindako kalteei aurre egiteko “tresna indartsuak” emango dizkio udalari, PSE-EEren aburuz. Helburuak zehaztuta, kutsadura akustikoa gutxitzeko lanean hasiko da udala.
