Pala partida ikusgarriak jokatu dituzte Madalensoron
Hamar partidu jokatu dituzte asteburuan, eta Lehen Mailako iazko finalistek jokatutakoek ikuskizuna eman dute. Lesio batek partida bat desitxuratu du.
Euskal Herriko Pala Txapelketa Irekiari dagozkion hamar norgehiagoka jokatu dituzte pasa den asteburuan, Madalensoron.
Lehen Mailan, iazko finalistek jokatu zituzten partidetan ikuskizuna eman zuten. Arriaga eta Unda bizkaitarrak —iazko txapeldunordeak— eta aurten lehen aldiz jokatzen ari diren Txaparro eta Garaldek ordu erdiko partida jokatu zuten. 25 eta 23 nagusitu ziren bizkaitarrak.
Iazko txapeldunek —Salaberria eta Huegunek— 25 eta 20 gainditu zituzten Berho eta Goñi nafarrak.
Bigarren Mailan, berriz, zoritxarra izan zen nabarmentzekoa. Salegi aurrelariak min hartu zuen, orkatila bihurrituta. 20-5ekoa zegoen markagailuan, eta Matxain bikoteak jarraitu zuen, Kasper arerio zuela. 25-7 bukatu zen partida hori.
Lehen Maila
- Aizpuru — Dagerre / Txoperena — Gastesi: 25-16.
- Salaberria — Huegun / Berho — Goñi: 25-20.
- Arrizabalaga — Lizarralde / Urrutia — Madariaga: 25-20.
- Arriaga — Unda / Txaparro — Garalde: 23-25.
Bigarren Maila
- Atxotegi —Gallastegi / Etxenagusia — Urreaga: 25-12.
- Salegi — Matxain / Kasper — Amiano: 25-8.
- Barbulo — Aranjuelo / Agirre — Viana: 25-10.
- Luixa — Etxeberria / Maneiro — Aizkorreta: 25-17.
Hirugarren Maila
- Otxoa — Karrera / Iraola — Gonzalez: 11-25.
- Perez — Perez / Odriozola — Odriozola: 25-11.
Datorren asteburuko kartelera ikusteko, egin klik esteka honetan.
