Elikaduran plastikoa atzean uzteko aholkuak emango ditu Nerea Segurak
Labore Oarso kontsumo kooperatibak hitzaldia antolatu du ostiral arratsalderako. Nerea Segura dietista-nutrizionista gonbidatu dute.
Askari osasuntsuen aldeko apustua egingo du Segurak.
Nerea Segura Alcayde dietista-nutrizionistak hitzaldia emango du datorren ostegunean (hilak 13), Labore Oarsoren egoitzan. Zaplaztekoa plastikoari izena jarri dio hitzaldiari, eta izenak dioen bezala, plastikoen erabilera atzean uzteko aholkuak emango ditu Segurak. Zehazki, meriendetako plastikoari buruz arituko da.
Izan ere, karbohidratoak, gantzak eta proteinez gain, plastiko partikulak ere jaten ditugu egunero. Segurak emandako datuen arabera, 100 partikula plater bakoitzeko eta hemezortzi partikula ur litro bakoitzeko.
Askotan erosotasunagatik, presagatik edo beste hainbat arrazoirengatik erabiltzen dira plastikoak, eta horiek atzean uztera gonbidatuko du.
Hitzaldia 18:00etan hasiko da, Ugaldetxo auzoko egoitzan. Kontsumo kooperatibokoek astean behin —gutxi gora behera— antolatzen dute ekitaldiren bat.
