[Galeria] Elizaldekoak sorgin bila atera dira... eta aurkitu dituzte
Arratsaldean hasiko dira ihoteak, baina Elizalde Herri Eskolako ikasleek jantzi dute zakua. Sorgin bila atera dira Oiartzungo kaskotik.
Banderak, Kataxulo kobazuloa, adarrak… Oiartzungo hainbat txoko ihoteen zerikusia duten objektuekin apainduta dago herria. Ihote giroa dago.
Elizalde Herri Eskolakoek ez dute arratsaldera arte itxaron. Zakua jantzi, eta sorgin bila ibili dira ikastetxeari izena ematen dion auzoan zehar. Trikitilariek, astoa, traktoreak, joaleek eta abarrek lagundu dute ikasleen segizioa.
Sorginak, azkenean, Arizmendi-enea etxeko lorategian aurkitu dituzte. Batzuek poz handiz jaso dituzte sorginak, beste batzuei aurpegia okertu zaie… baina denek bizi izan dute sorginek eramandako magia.
Entseatutako abestiak eta dantzak erakusteko parada izan dute Elizalde Herri Eskolako haurrek. Asteburua hasi besterik ez da egin.
