Jolasen musikalaren koreografia zabaldu du OarsoIrriak iniziatibak
OarsoIrriak iniziatibak dantzan jarriko ditu bazterrak, eta familiak beste urte batez. Herritarrek inauterietarako aukeratu duten gaiarekin bat egin du eta OarsoIrriak Jolasen Musikala egingo du. Herritar guztiak deitu ditu bertan parte hartzera.
OarsoIrriak iniziatibak dantzan jarriko ditu bazterrak, eta familiak beste urte batez. Herritarrek inauterietarako aukeratu duten gaiarekin bat egin du eta OarsoIrriak Jolasen Musikala egingo du. Herritar guztiak deitu ditu bertan parte hartzera. Hilaren 22an izango da hori, eta familiek musikaz beteriko ibilbidea osatuko dute. Ibilbide horretan geldialdiak egingo dituzte, eta taldeka koreografiak dantzatu. Aurten ere osatu dute dantza kolektibo bat eta hori prestatzeko entsegu kolektiboak egin badituzte ere, bideoa zabaldu dute orain, aukerarik izan ez dutenek, etxean ikas dezaten.
Musikalan parte hartu nahi duten familiek hilaren 22an 11.30etan joan beharko dute Merkatuzarrera; bertan, talde dantzaren azken entsegua egingo dute.
Larunbaterako antolatu duten egitaraua, berriz, ondokoa da: 12:00etan Familien kalejira irtengo da Merkatuzarretik. Ibilbidean zehar Foru plaza (geldialdia), Biteri kalea, Xabier Olaskoaga plaza (geldialdia), Morrongilleta kalea, Koldo Mitxelena plaza (geldialdia), Maria Lezo kalea, Madalena kalea, Herriko plaza (geldialdia), Zumardia (Geldialdia); 13:00etan, dantza kolektiboa egingo dute Zumardian. Informazio gehiago lortzeko posta elektronikoz mezua bidal daiteke.