Kromo bilduma propioa aurkeztu du Touring Kirol Elkarteak
Bildumak ehunka jokalari eta entrenatzaileren irudiak biltzen ditu. Kromoak dagoeneko salgai dira Errenteria-Oreretako hainbat salmenta guneetan.
Kromoak ez dira soilik 1. eta 2. Mailako jokalarien irudiekin egiten. Touring Kirol Elkarteak kromo bilduma propioa kaleratu du, Fanderiaren atzean dagoen lana azaltzeko, baita gizarteratzeko ere. Atzo aurkeztu zituen Touringek kromoak, elkarteko maila ezberdinetako jokalariak bertan zirelarik. Ale bana jaso zuten jokalariek eta horiekin argazki erraldoi bat sortu zuten.
Touringeko 400 jokalari eta entrenatzaile baino gehiagoren irudiekin osatu dute kromo bilduma. Kromo bakoitza pertsonalizatua da, jokalari bakoitzaren argazkia baitu. Taldeko arduradunak oso pozik geratu dira emaitzarekin. Nabarmengarriena da, bildumako testua euskara hutsez argitaratu dela, sarrerako agurra izan ezik. Azken hau, elebitan publikatu da.
Nahi duenak bilduma egiteko liburuxka eta kromoak salgai topatuko ditu honako salmenta puntuetan.
- Fanderia futbol zelaiko kantina.
- Maryan liburu denda (Fanderia etorbidea, 17)
- Kiosko Luismi (Biteri kalea, 21)
- Alameda kioskoa (Gamon Zumardia)
- Mira que Txutxes (Madalena kalea, 16)
- Amatxi okindegia (Santa Klara kalea, 16)