Finalerdia jokatu duten Oiarpeko hiru bikoteak, finaletara
Hirutik hiru pasatu dira. Bi bikotek alde bakarreko tantoagatik lortu dute finalerako txartela, eta bestean arerioak min hartuta pasatu dira.
Oiarpeko pilotariek hiru finalerdi izan dituzte asteburuan, eta hiruretan lortu dute finalera pasatzea. Nola edo hala, baina txapelketetako azkeneko partidarako txartela poltsikoan daukate.
Larunbat arratsaldean jokatu zituzten bi partidetan, tanto bakarreko aldeagatik nagusitu ziren. Euskal Herriko Kluben Arteko Txapelketako 22 urtez azpiko bikoteak Tolosan jokatutako partida irabazi zuen, eta berdin egin zuen Zalakain oiartzuarrak —Arribillagarekin batera— Pilotaren Txokoaren Txapelketan (20 urtez azpiko kategorian).
Euskal Herriko Kluben Arteko Txapelketan, nagusien kategorian, pilotariak ez ziren 22 tantora iritsi. Izan ere, oiartzuarrak 9-7 aurretik zeudenean, Azkoitiko pilotari batek min hartu zuen, eta erretiratu egin ziren.
Gainontzeko bederatzi partidei dagokienez, oiartzuarrek protagonista izan ziren lautan gailendu ziren. Beraz, beste asteburu bat itxi dute balantze positiboarekin.
Ikusi emaitza guztiak hemen klik eginda.
