San Juanen hiru garaipen Oiartzun ibaian
Gipuzkoako Batelen Ligako seigarren jardunaldia jokoan izan zen larunbatean Oiartzun ibaian, Hibaika Arraun Elkarteak antolatutako estropadan.
Hibaikaren ontzi bat, larunbatean lehian. Larunbatean jokatu zen Errenteria-Oreretan, Oiartzun ibaian, Gipuzkoako Batelen Ligako seigarren jardunaldia. Xuxa Urkiaren omenezkoa zen, Hibaika Arraun Elkarteak antolatua. Bertan haurren, promesen, kadeteen eta gazteen sei estropada egin zituzten, eta horietatik hirutan San Juan-Koxtapeko arraunlariak nagusi izan ziren.
Haurren Mailan, mutiletan, arrosen ontzia izan zen lehena Zumaiaren eta Trintxerpe-Illunberen aurretik. Kategoria horretako nesken atalean sanjuandarrak hirugarren izan ziren, eta Hibaika B laugarren.
Nesken Promesa mailan, arrosak berriz ere irabazle Tolosaldeko ontziarekiko zortzi segundoko aldearekin. Hibaika bosgarren gelditu zen.
Mutilen kadeteetan, Zumaiak irabazi, eta San Juanen A taldea laugarren postuarekin konformatu behar. Hibaika seigarren izan zen.
Azkenik, Gazte Mailako nesketan, Orioko bi ontzi lehen eta bigarren, San Juan hirugarren, eta Illunbe zortzigarren. Kategoria horretako mutilen lehian sanjuandarrak nagusi: San Juan lehena, eta Yola bigarrena. Illunbe B eta A seigarren eta zazpigarren izan ziren hurrenez hurren. Hibaika hamaikagarren.
Ondoko PDF agirian, jardunaldiaren sailkapen osoak.
