Abiadura handia eta kalitatea, palisten arteko partidan
Pilotaren Txokoa Torneoko finalean berriz, txapela lortu zuen larunbatean EPLEko Mikel Aranguren pilotariak Senior Mailan Xabi Sancho usurbildarrarekin bikotea osatuta.
Gomazko Paleta partidan parte hartu zuten palistak. Argazkia:Emakume Pilotarien Elkartea Martxoaren 8arekin bat egin da, pasa den igandean, emakumeen gomazko paleta partida jokatu zuten Agustina Otaola pilotalekuan. Partida bizia, abiadura handikoa eta maila altukoa igandekoa, Galdosek eta Mendizabalek Irazustabarrena eta Arrietaren aurka jokatu zutena; markagailua 24-30 gelditu zen, azkenean, bigarren bikotearen alde.
Pilotaren Txokoa Torneoko finalean berriz, txapela lortu zuen larunbatean EPLEko Mikel Aranguren pilotariak Senior Mailan Xabi Sancho usurbildarrarekin bikotea osatuta; 22-6 utzi zuten markagailua Exposito eta Irazustabarrenaren aurka jokatutako partidan.
Gipuzkoako Trinkete txapelketako finalean, berriz, ez zuten lortu EPLEko Azpiroz eta Chiapuso manistek txapela etxera ekartzea. 31-40 amaitu zuten partida Iruran Hernaniko Alvarez eta Pagolaren alde. Borroka gogorra izan zuten partida osoan zehar, baina ez zuten garaipena lortu. Txapeldunorde izanik, asteburuan datorren denboraldirako lehen mailara igo edo ez erabakiko duen promozio partida bakarra jokatu beharko dute EPLEkoek.
Chiapuso eta Azpiroz partida ostean.
