Osasun publiko zaintzeko hainbat neurri hartu dituzte Oiartzunen
Udalak hainbat eraikin itxiko ditu, bihartik aurrera. Protokoloak martxan jarri ditu, eta hainbat zerbitzu eta ekitaldi bertan behera geratuko direla jakinarazi dute.
Koronabirusa dela eta, osasun publikoa zaintzeko prebentzio neurriak hartzea erabaki du Oiartzungo Udalak hartutako neurriak gaur bertan jarriko dira indarrean, eta abisu berri batera arte egongo dira indarrean. Ildo berean, lasaitasunez eta arduraz jokatzeko jokatzeko eskatu diete herritarrei, zaintza guztien ardura baita.
- Krisi Mahaia eta udaleko langileentzat protokoloa martxan daude.
- Osasun sailaren aginduz, hirugarren adinarekin lotutako zerbitzuak bertan behera geratzen dira. Gazte Izanak erretiratuen elkartea itxi da; Torri Gukin eta Bidelagun programak bertan behera geratuko dira.
- Udalak antolatzen dituen gisa guztietako ekitaldiak bertan behera utzi dira. Erabaki hori dela eta datozen egunetarako antolatutako Zinegoak-eko film laburren emanaldia (martxoak 13); haurrentzako ipuin-kontaketa (martxoak 13); harrera saioa (martxoak 14) eta Zuhaitz Eguna (martxoak 15) ez dira ospatuko. Aurrerago jakinaraziko ditugu ekitaldi horiek ospatzeko data berriak.
- HELTAko tailerrak ere bertan behera geratuko dira bihartik aurrera.
Kanpoko eragile eta elkarteek antolatu baina udal eraikinak edota eremu publikoa baliatzen dituzten ekitaldiak ere bertan behera geratuko dira. - Eremu pribatuetan diren ekitaldien antolatzaileei udalak gomendioa luzatu nahi die jende asko biltzeko ekitaldiak saihesteko.
- Elorsoro kiroldegia, Madalensoro pilotalekua, Manuel Lekuona biblioteka eta Abaraxka ludoteka itxita egongo dira bihartik aurrera.
- Herriko ostalaritza guneei pintxoak tapatzeko gomendioa luzatu die udalak.
