Boluntarioen sarea osatzen hasi dira, beharra dutenei laguntzeko
Laguntza behar duten pertsonak identifikatu eta haiei lagundu nahi diete. Sarearekin harremanetan jarri beharko da; sintoma edo zalantzaren bat dutenei ez parte hartzeko esan diete.
Oiartzunen ere bai, beste herri eta auzo askotan bezalaxe, boluntarioen sarea osatzeko asmoz, herritar talde bat antolatu da. Helburua izango da laguntza behar duten pertsonak identifikatu eta ahal bezain besteko laguntza eskaintzea.
Galdetegia bete beharko du lagundu nahi duenak, edo e-posta bidez harremanetan jarri. Honako datuak jarri behar dira:
- Izen-abizenak.
- Adina.
- Telefonoa.
- Auzoa.
- Zertarako prest zauden
• Laguntza behar dutenen zerrenda egin
• Telefonozko kontaktua egin
• Erosketak egin
• Noiz egiteko prest zauden (edozein unetan, goizez, arratsaldez…).
Argi eta garbi utzi dutenez, koronabirusaren edozein sintoma dutenek, etxean gelditu beharko dute. Eztula eta sukarra dira sintomarik ohikoenak, arnasteko zailtasunekin batera. Gainera, nabarmendu dute osasun zein udal agintarien irizpideak jarraituz arituko direla lanean, prebentzio neurriak jarraituz.
Boluntario sarekoak harremanetan jarriko dira interesdunekin, behin antolatzerakoan. #oiartzunaurrea traola erabiliko dute twitterren.
