Gazteek udaran antzerkian sakontzeko aukera izango dute
Lur Kortak eta Saioa Aizpuruak antzerki ikastaro intentsiboa emango dute uztaileko lehen hamabostaldian. Uztailaren 15ean errepresentazio batekin itxiko dituzte.
Saioa Aizpurua eta Lur Kortak (gazteen antzerki eskoletako irakasleak) antzerkigintzan sakontzeko udalekuak antolatu dituzte uztaileko lehenengo hamabostaldirako. DBH eta Batxilerreko ikasleentzako ikastaroa izango da.
Ikastaroaren saio horiek Iturriozko dorretxean egingo dituzte, uztailaren 1ean hasi eta hil horren 14an bukatuta. Astelehenetik ostiralera izango dira, 09:30etik 13:30era (astearteetan 16:30era arte izango da). Antzezlan baten errepresentazio pare batekin bukatuko dute hamabostaldia: uztailaren 15ean, goizez, udalekuetako haurrei eskainiko diete; arratsaldean, berriz, ikusi nahi duen orok ikus dezake.
Ikastaroak irauten duen bitartean, hainbat bisita jasoko dituzte: Luix Mitxelenarena, Go!azen-eko Danaerena, musikariren bat…
Izen ematea
Ikastaroan parte hartu nahi dutenek apirilaren 1etik 12ra bitartean eman beharko dute izena. Horretarako, galdetegi hau bete beharko dute. Ordainketa egiteko Laboral Kutxako kontu korrontea honakoa da: ES08 3035 0084 71 0840049359. Galdetegia Gizarte Segurantzako txartelarekin bidali behar dela jakinarazi dute.
Informazio gehiago lortzeko, 651 70 19 87 telefono zenbakira dei daiteke, edo e-posta bidez harremanetan jarri. Gurasoentzako bilera ekainaren 17an egingo dute, Iturriozko dorretxean bertan, 18:00etan hasita.
