Konfinamendua errespetatzeko eskatu du udalak
Oiartzungo Udalak eskatu du maskota orduro ez ateratzeko, eta erosketa handiak egiteko. Udaltzainek jarri dute isunen bat.
Udalak gogorarazi du konfinamendua errespetatu egin behar dela.
Oiartzungo Udalak herritarrei eskatu die konfinamendua errespeta dezaten. Ikusi dutenez, hainbat oiartzuar denbora luzeko ibilaldiak ematen ari da maskotak hartuta, eta beste batzuk erosketa egin behar dutela aitzakiatzat hartuta, bueltaka ibiltzen dira.
Oiartzungo Udaltzaingoak azaldu duenez, normalean malgutausnarekin jokatzen dute. Hala ere, hainbat isun jarri behar izan dituzte, oiartzuar batzuek izan duten jokaera arduragabeagatik. Argi utzi nahi izan dute gutxiengoa direla.
Udaltzaingoak nabarmendu du legea errespetatzeko dagoela, ez jendearen aurka egiteko. “Ikusi dugu jendea txakurra hartuta mendi buelta handiak egiten dituena, baita ere egunea gauza asko erostera joaten dena: orain freskagarri bat, gero ogia, gero…”, esan dute. Jokaera horiek ekidin nahi dituzte, eta gogorarazi dute egoera larria dela.
