Berrogeialdian hondakinak behar bezala kudeatzeko jarraibideak
Pasaiako Udalak, koronabirusaren hedatzea etete aldera, iradokizunak eman ditu hondakinak nola kudeatu behar diren azalduz.
Gaixo edo berrogeialdian diren pertsonen hondakinak ez dira birziklatzeko bereizi behar. Konfinatuta izan arren, etxean ere ohitura zintzoak eduki behar dira, COVID-19 birusarekin kutsatzeko arriskua saihesteko. Hondakinen kudeaketa egokia berebiziko garrantzia du, gaizki eginez gero arriskutsua izan daitekeelako etxekoentzat zein kanpokoentzat.
Koronabirusaren hedatzeari aurre egiteko asmoz, Pasaiako Udalak hondakinak behar bezala kudeatzeko jarraibideak eman ditu, zirkular baten bidez. Osasun publikorako onuragarriak diren zenbait pauta dira, etxean gaixo bat dutenentzat baita ez dutenentzat ere. Hauek dira Pasaiako Udalak helarazitako jarraibideak.
Jarraibideak etxean norbaitek koronabirusa badu, ala berrogeialdian badago.
- Gaixoak edo berrogeialdian den pertsonak sortutako hondakin guztiak plastikozko poltsa batean sartu beharko dira, birziklatzeko banaketarik egin gabe. Ahal dela zaborra tapadun kubo batean bota beharko da eta kubo hura gaixoaren gelan egon beharko du beti.
- Hondakin horiek dituen poltsa ongi itxi behar da eta jarraian plastikozko beste poltsa batean sartu. Zaintzaileak eskularruak eta maskarak poltsa horretan sartuko ditu eta gelatik irten aurretik poltsa hori itxi beharko du.
- Bigarren poltsa, errefusari dagokion poltsan sartuko da eta hori ere behar bezala itxi beharko da.
- Hondakinak kudeatu dituen pertsonak berehala garbitu beharko ditu eskuak 40-60 segundoz.
- Hirugarren poltsa errefusaren edukiontzian bota beharko da, grisean alegia. Guztiz debekatuta dago gainontzeko edukiontzietara botatzea.
Jarraibideak gaixorik ala berrogeialdian dagoen pertsonarik ez duten etxeentzat.
- Hondakinak ohi bezala bereizi ahalko dira.
- Erosketak egiteko erabiltzen diren nitritozko eskularruak ezin dira edukiontzi horira bota.
- Garrantzitsua da hondakinak ongi bereiztea eta bakoitza dagokion edukiontzian botatzea.
