Udalekuetan matrikulatzeko epea ireki dute
Apirilaren 3ra arte eman daiteke izena. Egoera kontuan hartuta, e-posta bidez edo telefonoz bakarrik eman ahal izango da izena.
Uztailaren 1etik 30era izango dira udalekuak. Gaur ireki dute udaleku irekietan izena emateko epea. Apirilaren 3ra arte izango da horretarako aukera. Egoera berezia dela eta, aurten online (Gazteria Sailaren webgunean; Udalekuak-izen ematea/Inscripción colonias pestainaren gainean jarri sagua, aukerak ateratzeko), e-posta bidez edo telefonoz deituta (645 00 54 96) eman daiteke izena.
Uztailaren 1etik 30era bitartean egingo dituzte udalekuak. Haur Hezkuntzako eta Lehen Hezkuntzako ikasleek har dezakete parte. Herrian erroldatuta egon behar dute, edo bertak zentro batean ikasi.
Prezioak eta ordainketa bideak
Udaleku irekietako prezioak honakoak izango dira:
- 37 euro umeko hamabostaldi bakarrerako, eta 73 euro hilabete osorako.
- Autobus zerbitzua ere nahi duenak, 50 euro (hamabostaldia) edo 100 euroko (hilabetea) tarifa ordaindu beharko du.
- Familia bereko hiru ume matrikulatzen dituztenek %25eko deskontua izango dute prezio horietan. Ume bakoitzeko 28 euro (hamabostaldia) edo 55,50 euro (hilabetea) ordainduko dute (autobus zerbitzuarekin, 38 euro hamabostaldia eta 76 euro hilabetea).
Ordainketa izen-ematearekin batera egin beharko da, orain arte bezala. Laboral Kutxako kontu korronte honetan egin beharko da ordainketa: ES66 3035 0126 64 1260048216.
Aurkeztu beharreko dokumentazioa drive-n dokumentuak partekatuz edo e-mailez bidali daitezke.
