[Galeria] Eskatutakoa betetzen ari dira antxotarrak
Bitxia, Antxok egunotan eskaintzen duen irudia, ia inor ez kaleetan. Koronabirus izurriteari aurre egiteko, etxean gelditzea da herritarren ekarpen kolektiboa.
Covid-19 birusak ataka larrian jarri du gizarte osoa eta horri aurre egiteko, erantzuna ere gizarte osoarena izan behar duela diote adituek. Gaitzaren hedatzea etete aldera, herritarrei etxean gelditzeko eskatu zaie eta Antxon eskatutakoa zintzo betetzen ari dira herritarrak.
Herria ia hutsik dago eta kalean dauden gehienak erosketak egiten daude edota lanean . Axular plaza, haurren jolastoki gustukoena da, Gure Zumardia herriko erdigunea eta Ibaiondo-Marealta herritarren arnasgunea nagusia. Hiru tokiek ezohiko irudia eskaintzen dute egunotan, ez baitago inor bertan.
HITZAk irudi hauek bildu ditu (irudiak hilaren 25ekoak dira).