Gurutze gorriak bat egin du Zaintza Sare Komunitarioarekin
Gurutze Gorriaren ekarpenari esker udalaren 010 telefono zenbakia asteburu eta jaiegunetan ere martxan izango da.
Aizpea Otaegi alkatea, Gurutze Gorria eta Babes Zibileko kideekin gaur. Argazkia: Herri bizia Errenteriako Gurutze Gorriak bat egin du Errenteriako Udalak koordinatu eta udalak berak eta bere langileak, herriko babes zibileko kideek eta 450etik gora boluntarioek osatzen duten zaintza sarearekin. Gurutze gorriaren ekarpenari esker, 010 telefonoak eskaintzen duen larrialdietarako zerbitzua, asteburuetan ere zabalduko da. Sorospen erakundearen boluntarioek telefono zenbaki horretan deiak jasotzeko ardura hartuko dute asteburu eta jaiegunetan.
Beharra duten herritarrek, 010 edota 943 449 600 telefono zenbakira deitu behar dute. Zu! Zerbitzuko langileek jasotzen dute deia eta beharren zerrenda jasota, erosketak eta etxerako banaketa egiten da. Azken horretaz, babes zibileko kideak arduratzen dira.
Telefono zenbaki horietara 09:00etatik 17:00etara dei daitezke astelehenetik ostiralera, eta 10:00etatik 14:00etara asteburu eta jai egunetan.
Boluntarioek, halaber, lanean jarraitzen dute, jarraipen deiak egiten bakardade eta beldur egoera kasuetan. Herritarren datuak babestu dituela udalak boluntarioei emateko garaian zehaztu du, soilik izena eta telefono zenbakia eman die. 010ean jasotako deiei dagokienean, ezinbesteko datuak baino ez dituztela eskatzen azaldu du.
