Diru laguntzei buruzko informazioaren web orria prest du Oarsoaldeak
Orain arte argitaratu diren diru laguntzen berri ematen du webgunean: pertsonak, familiak, enpresak, autonomoak eta ekintzaileak.
Oarsoaldea Garapen Agentziak aste honetan bertan iragarri du erakundeek emango duten diru laguntzaren berri emango zuela. Gaur jakinarazi du diru laguntza horien informazioa bildu eta bere webgunera igo duela.
Bost ataletan antolatu dute informazio sorta hori: pertsonak, familiak, autonomoak, enpresak eta ekintzaileak. Bertan aurki daitezke egin beharreko prozedurak.
Nabarmendu dutenez, atal horiek eguneratuz joango dira, neurri ekonomiko berriak publiko egiten doazen heinean.
Bestalde, gogorarazi dute edozein kontsulta egiteko, laguntzak eskatzeko edota norberaren egoera azaltzeko, leihatila bakarra jarri dutela. E-posta bidez idatz daiteke. Jasotako mezu guztiei ahal den neurrian erantzuten saiatuko direla adierazi dute.
Animo hitzekin bukatu dute: “Orain, inoiz baino gehiago, elkartu eta elkarlanean aritu behar dugu krisi honi aurre egiteko. Gora bihotza! Denon artean lortuko dugu”.
