Tasa eta zergen ordainketak atzeratu ditu udalak
Ordainketa epearen barruan daudenen ordaintzeko epea luzatuko dute, eta uda aurretik martxan jarri behar zutenen epea berriz, atzeratu egingo dute.
Udaletxeko sailetan berdintasunaren ikuspegitik formatzen ari dira. Koronabirusak eragindako larrialdi egoera dela eta, Oiartzungo Udalak zergak eta tasen gaineko neurri berriak hartzea erabaki du. Zehazki, ordainketa epearen barruan daudenen ordaintzeko epea luzatuko dute, eta uda aurretik martxan jarri behar zutenen ordainketen epea berriz, atzeratu egingo dute. Gaur bertan onartu dute dekretua, beraz, gaurtik aurrera aplikatuko dute.
Luzapenak bi ordainketari eragingo dio: ibilgailuen zergari (ordaintzeko epea bi hilabete luzatuko dute, ekainaren 30era bitarte) eta uraren tasari (apirilaren 30era arte luzatuko dute ordainketa egiteko epea). «Neurri honek ordainketa helbideratua ez dutenei eragingo die, alegia, denbora gehiago edukiko dute zerga ordaintzeko. Ordainketa helbideratu duten herritarrei urteko egutegiaren barruan, kobratu zitzaien zergaren kopurua», azaldu dute udaleko iturriek.
Atzeratutakoak berriz, ondorengoak dira: kontribuzioa (maiatzetik irailaren 1era atzeratuko dute), hondakinen tasa (ekainaren 1era bitarte) eta uraren hurrengo tasaren ordainketa (uztailera arte).
Amaitzeko, atzeratuko dituzten ordainketak honakoak dira: kontribuzioa (maiatzetik irailaren 1era atzeratuko da), hondakinen tasa (ekainaren 1era arte) eta uraren hurrengo tasaren ordainketa ere (uztailera).
Enpresa, merkatari eta ostalariek hondakinen tasa erabileraren arabera ordainduko dute eta zorren zatiketa eta atzerapenen kasuan, kuoten ordainketa hilabetez atzeratuko dute, inolako interesik gabe.
