Luberri eta Soinuenera bisita birtualak egin daitezke
Aste honetan, Luberrik lurraren barne egituraren eskulana erakutsiko du Youtube bitartez. Soinueneak soinu tresnen bilduma erakutsiko du webgunean.
Luberri Ikasgune Geologikoak eta Soinuenea-Herri Musikaren Txokoa itxiak daude larrialdi egoera honetan, baina beren jarduerak ez du etenik. Ekintza eta bisita birtualak eskaintzen ari dira.
Luberriren kasuan, lurraren barne egitura lantzeko eskulana proposatu du. Esteka honetan klik eginda ikus daitezke Luberrikoek ematen dituzten argibideak. Datorren astean bisita birtuala emango dute, beraien webgunean.
Soinueneak, bere aldetik, soinu tresnen bilduma ikusteko aukera emango du. Etxetik, hori bai. 1.554 soinu tresnen fitxak ikus daitezke beraien webgunean.
