Lanean jarraitzen dutela erakutsi dute Pasaiako kirolariek
Pasaiako hainbat kirol elkartek eta gizabanakok bideo bat partekatu dute udalaren bitartez. Itxialdian egon arren, sasoian jarraitzen dutela frogatu dute.
Arraunlariek, palistek, futbolariek edota borrokalariek parte hartu dute bideoan, besteak beste. Asteak dira, koronabirusaren ondorioz Pasaiako kirol elkarte guztien ekintzak etenda daudela. Kirol jarduerak ordea, ez du etenik; sasoi betean jarraitzen dute elkarteetako kide eta gizabanako kirolariek. Hala erakutsi dute gaur, bideo baten bitartez. Pasaiako Udalaren Kirol eta Ariketa Fisikoaren Sailak partekatu du bideo eta Pasaia Badia Aktiboa estrategiaren parte da.
Bideoaren bitartez, etxean kirola egitearen onurak zabaldu nahi dituzte pasaitarren. Ariketa fisikoa egitea beti da beharrezkoa, baina are eta garrantzitsuagoa izan daiteke egungo egoeran, kirola egitea modu aproposa baita, estres edota antsietateari aurre egiteko. Bideoan aipatu bezala, kemen, diziplina eta irudimen pixka bat baino ez dira behar etxea egokitu, baliabideak asmatu eta kirola egiteko. Etxean bada ere, ez dago atsedenik.
