Aisiarako plangintza eskaini dute aste honetan ere bai
Oiartzun Aurreak eta Biyurrieneak jarduerak prestatu dituzte aste osorako. Gainera, bigarren escape room-a aurkeztu dute.
Beste aste batez, Oiartzun Aurrea-k eta Biyurrieneak asteko plangintza osatu dute, aisia betetzeko gogoa dutenei eskaintza luzatuz.
Goizero (baita igandean ere), 11:00etan, Herri Hezitzailea ematen jarraituko dute. Beste hainbat zita jarri dituzte, igandera arte. Ohi bezala, bere sare sozialen bitartez elkartuko dituzte oiartzuarrak.
Egitaraua
- Gaur, hilak 4: Lur Gaztelumendiren kontzertua (19:30ean).
- Bihar, hilak 5: Lur Kortaren ipuin kontaketa.
- Etzi, hilak 6: Txinalka helduen antzerki taldearen eskaintza.
- Osteguna, hilak 7: Sukaldaritza tailerra eta txalentx-a.
- Ostirala, hilak 8: Abaraxka TB (18:00etan) eta June Galardiren kontzertua (19:00etan).
- Larunbata, hilak 9: Herritik kanpo dagoen jendearekin solasaldia.
- Igandea, hilak 10: 18:00etan bingoa, eta 19:00etan zinema emanaldia.
Escape room berria
Eskaintza horri guztiari gehituta, escape room berria aurkeztu zuten pasa den ostiralean, Pasta Freskoa izenekoa. Non dago Mendiburu? baino zailxeagoa dela jakinarazi dute, eta horregatik, komeni dela hori aurrez egitea.
Jokatzeko argibide guztiak zein sarbidea esteka honetan aurki daitezke.
Sare sozialetan
- Biyurrienea: Instagramen eta Facebooken.
- Oiartzun Aurrea: Facebooken, Instagramen eta Twitterren.
