Oiartzun Irratia haurrena izango da ostiraletan
Ostiralero, eguerditan, haurren ahotsa entzun ahal izango da 106.5 FM frekuentzian. Aste honetan, bertso 'txalentx'-a egingo dute.
Oiartzungo haurren ahotsa entzun ahal izango da, ostiralero, FM 106.5 frekuentzian. 11:45etik 12:30era bitartean berentzako tartea izango dute.
Astero, gainera, txalentx-ak jarriko dituzte: abestiena, ipuinena, asmakizunena… Lehenengoa bertsolaritza txalentx-a izango da. Irati Odriozola irratiko aurkezleak bertsoaren oinak jarri ditu: algara, gara, erara eta plazara.
Bertsoa osatutakoan, bi aukera izango dituzte helarazteko. Alde batetik, irratira deituta, ostiraleko saioan zuzenean sartzeko. 943 49 37 11 telefono zenbakira deitu beharko dute kasu horretan.
Lehenago bidali nahi izanez gero, audio artxibo bat bidali beharko dute irratiaren whatsapp zenbakira (683 37 96 19). Ostiraleko saioan aireratuko dituzte.
Erronkak erantzuna emateaz gain, haurren tartearen helburua da oiartzuar txikienek beren sentimendu eta proposamenak zabaltzea.
