Jakituria erakusteko prest
Lehen asteko saria ez da nolanahikoa izango, Hibaika arraun elkartearen bi kamiseta oparituko dituzte. Herritarrei jokoan parte hartuz gozatzera, ikastera eta irabaztera gonbidatu ditu Lau Haizetarak.
Aste honetako bi irabazleek, Hibaikaren kamiseta bana eramango dute. Egunean Behin jokoaren bigarren denboraldia martxan jarri du gaur Lau Haizetara Euskaltzaleon Topaguneak. Zortzi asteko iraupena izango du denboraldiak, gaurtik hasi eta ekainaren 28ra arte. 700+Euskaraz du izena taldeak, aurten Errenteria-Orereta hiribildu eratu zela 700 urte betetzen direla eta. Gaur egun 623 pertsonaz osatuta dago taldea, eta 700 jokalarien langa gainditzea dute helburu euskara elkartekoek. Partaide berriek Egunean Behin aplikazioa jaitsi behar dute Google Playtik edo App Storetik, eta C3737B kodea sartu taldearekin bat egiteko.
Aste bakoitzeko igandean bi saridun aterako dira: asteko puntuaziorik onena lortzen duena eta asteko zozketan aukeratutako partaidea. Lehen asteko saria ez da nolanahikoa izango, Hibaika arraun elkartearen bi kamiseta oparituko dituzte. Herritarrei jokoan parte hartuz gozatzera, ikastera eta irabaztera gonbidatu ditu Lau Haizetarak.
