Oinezkoak eta txirrindulariak espazio berean, baina oztopatu gabe
Bi eremu egokitu dituzte, ordu puntetan zaila zelako oinezkoen eta txirrindularien arteko bizikidetza zaila zelako; Fanderiako bidegorria da bata, eta Iztietako pasealekua bestea.
FAnderiaren berrantolaketa. Fanderia eta Iztietako bi tarte berrantolatu ditu udalak txirrindulari eta oinezkoen bizikidetza errazteko. Hala, mugikortasun jasangarria, kirola egitea eta modu lasai eta seguruan paseatzeko aukera bermatuko ditu. Bi eremu egokitu dituzte horretarako, ordu puntetan zaila zelako oinezkoen eta txirrindularien arteko bizikidetza zaila zelako; Fanderiako bidegorria da bata, eta Iztietako pasealekua bestea.
Fanderiako bidegorriaren kasuan Santa Klara kaleko bidegorritik, Gabierrotako zubiraino, bidegorria soilik txirrindularientzat izango da, eta oinezkoek Gabierrotako pasealekua erabili dezakete. Iztietako pasealekuari dagokionean, bertako bidegorritik ibiliko dira bizikletak. Oinezkoentzat berriz, Ondartxoko zubia zeharkatzen duen ibilbide bat sortu da.
Gune horiek berrantolatzeko seinaletika jarriko du udalak, eta udaltzaingoak adieraziko die txirrindulari eta oinezkoei tarte horiek nola erabili.
Iztieta pasealekua berrantolatuta.
