Maiatzeko plenoa egingo dute datorren asteazkenean
Segurtasun neurriak hartuko dituzte bigarren hilabetez, eta ez da publikorik egongo. COVID-19aren harira hartuko dituzten neurriak aztertuko dituzte.
Aurreko plenoan telematikoki aritu ziren zinegotzi batzuk. Datorren asteazkenean —hilak 27— Oiartzungo Udalbatzak ohiko plenoa egingo du. Apirilean bezalaxe, segurtasun neurriak hartuko dituzte, eta horietako bat izango da publikoari itxia egongo dela. Pleno hau ere eguerdian egingo dute, 13:30ean.
11 puntuko gai zerrenda izango dute. COVID-19ak sortutako egoerari aurre egiteko neurriak izango dira puntu nagusia. Horrez gain, urtero (edo ia) berritu behar diren hainbat gai izango dituzte hizpide: taxibusaren hitzarmena; Eskola Kirola, Muittu! eta gainontzeko eskola orduz kanpoko jardueren hitzarmena; 2021 jai egun ofiziala…
Gai zerrenda osoa honakoa da.
- 1 Aurreko batzarrari dagokion aktaren onarpena.
- 2 COVID-19ak sortutako egoeren aurkako neurriak onartzen dituzten 370 eta 460 Alkate Dekretuen berri ematea.
- 3 2021 urteko herriko jaiegun ofizialaren proposamena.
- 4 Oiartzungo Udala eta Oiartzungo Taxisten Elkartearen arteko ituna, Gurutze, Karrika eta Ergoien auzoetan garraio zerbitzu publikoa ematekoa, luzatzea.
- 5 19/20 ikasturteko El Eskola Kirola, Muittu! eta eskola ordu-gaineko ekintzen koordinazio egitasmoak sustatzeko Oiartzun Udala eta herriko bi ikastetxeen arteko hitzarmenen onarpena.
- 6 Kirol kluben eta elkarteen funtzionamendurako 2020ko diru laguntzen oinarriak COVID-19ak eragindako egoeragatik aldatzea eta ordainketaren zati bat egitea.
- 7 Oiartzungo udalerrian hiri garbiketako eta etxeko hondakinen bilketa eta garraio zerbitzuaren esleipena.
- 8 03/2020 Transferentzia bidezko Kreditu aldaketaren onarpena.
- 9 Beste ekitaldietako ordainagiriak baliogabetzea.
- 10 Beste organoen jardueraren jarraipena.
- 11 Eskari galderak.
