Etxeko langileen erresistentzia kutxari ekarpena egiteko aukera zabaldu da
SOS Arrazakeriak eta Oarsoaldeko Mugimendu Feministak erresistentzia kutxa antolatu dute, egoera zaurgarrienean dauden emakumeei laguntzeko.
SOS Arrazakeriak eta Oarsoaldeko Mugimendu Feministak erresistentzia kutxa antolatu dute, COVID-19aren ondorioz lanik gabe geratu diren etxeko langileentzako.
Langile horietako asko emakumeak, migranteak eta paperik gabekoak dira. Egoera zaurgarrienean dauden 40 bat identifikatu, eta beraiei zuzenduko diete herritarrek bideratutako dirua. Crowfundinga egiten ari dira Interneten, eta hasieran jarritako langa gainditu badute ere, ekarpen guztiak beso zabalik jasoko dituzte. Izan ere, larrialdizko ordainketei aurre egin behar diete etxeko langile horiek.
Bestalde, Oiartzunen, hasieran Labore kooperatibaren egoitzan eltzeitsua jarri zuten, baina establezimendu gehiagok egin dute bat iniziatibarekin. Honakoa da zerrenda:
Elizalde
- Marisol.
- Uriña.
- Belutene janari denda.
- Agirrezabalaga farmazia.
- Izaro arrandegia.
- Kabitxo.
- Urrats.
- Ogiberri Txara.
Altzibar
- Eroski.
- Jon harategia.
