Kuadrillategik irteeretako diruarekin dauden zalantzak argitu ditu
DBH1ekoei diru kopuru osoa itzuliko diete. DBH2ekoek bi aukera izango dituzte, errifak saltzen jarraitzea edo ez dituztenak saldu itzultzea.
Oiartzungo Kuadrillategik oharra atera du, irteeretako diruari buruzko zalantzak argitze aldera. Planifikatuta zituzten irteerak bertan behera geratu dira, eta horren aurrean hartutako erabakiak azaldu dituzte.
DBH1eko taldekoek bakoitzak jarritako diru kopurua bere osotasunean bueltatuko zaie, Bizum bitartez. Horretarako, Kuadrillategiren Whatsapp zenbakira (686 96 69 42) idatzi beharko da, edo posta elektronikoaren bitartez harremanetan jarri. Bertan adierazi beharko dira gaztearen izen abizenak, eta Bizum bidez dirua jasotzeko telefono zenbakia.
Esan dutenez, aurrera begira irteerak planteatzen dituzte, baina hori da hartutako erabakia.
DBH2ko taldea
DBH2ko taldekoen kasuan, berriz, ez dute irteera gehiago egingo. Bi aukera eman dituzte. Alde batetik, errifak saltzen jarraitzea. Horretarako epea ekainaren 30a izango da. Epe horretatik aurrera, saldu gabe geratu diren errifen dirua ez dute bueltatuko.
Beste aukera da saldu gabeko errifen dirua jasotzea. Horretarako gaur —hilak 26, asteartea— eta ostiralean, zein ekainaren 2an eta 5ean, Fermiñene eraikinean egongo dira (turismo bulegoan). Dirua jasotzera joan nahi duenak 17:30etik 19:00etara pasatu beharko du.
Hurbiltzen den bakoitzak soberan dituen errifak eraman beharko ditu, honako datuekin: gaztearen izena; saldu gabeko errifen kopurua; eta Bizuma egiteko telefono zenbaki bat.
Inork zalantza edo kexarik izango balu, telefonoz edo e-posta bidez jar daiteke harremanetan.
