Lezoko Tomas Garbizu Musika Eskolan izena eman daiteke
Lezoko Tomas Garbizu Musika Eskolan izena eman daiteke, hilaren 29ra arte. 2020-2021 ikasturtea irailaren 7an hasiko dute.
Lezoko musika eskolaren ataria. Tomas Garbizu Lezoko Udal Musika Eskolak zabalik du, hilaren 29ra arte, 2020-2021 ikasturterako izena emateko epea. Hau da: musika eskolan hasi nahi duten ikasle berriek aste hau dute izena emateko. Musika Eskolan bertan egin behar da hori, 16:00etatik 19:30era. Eskaintza osoaren informazio gehiago jaso nahi dutenek 943 52 99 99 telefono zenbakira dei dezakete, edo hara posta elektronikoa bidali. Haien webgunera sartuta eskaintza osoaren berri izan daiteke.
Hurrengo ikasturtean aukera daitezkeen musika tresnak honakoak dira: trikitixa, pianoa, klarinetea, saxofoia, txistua, flauta, perkusioa, biolina-biola, biolontxeloa, akordeoia, tronpeta, gitarra, bateria eta ganbara taldea.
Aurreko ikasturtean matrikulatuta zeuden ikasleek, euren musika tresnak irailaren 4an har ditzakete, 17:00etatik aurrera.
Ikasturtea irailaren 7an hasiko dute.
