Komun publikoak berriro ireki dituzte
Altzibarko bidegorriko komunak zein Donibane kalekoak gaur irekiko dituzte. Segurtasun neurriak hartuko dituzte, eta egunean sei aldiz garbituko.
Oiartzungo Udalak jakinarazi duenez, gaurtik aurrera herriko komun publikoak irekita egongo dira. Arditurriko bidegorrikoak —Altzibarren— zein Donibane kalekoak irekita egongo dira.
Hori bai, segurtasun eta higiene neurri bereziak hartuko dituztela zehaztu dute. Horrela, egunean sei aldiz garbitu eta desinfektatuko dituzte komun horiek.
