Auzoetako festei buruzko hausnarketa partekatuko dute
Udaleko Kultura Sailak bilera egingo du gaur arratsaldean festen antolatzaileekin, bere gogoeta partekatzeko.
Arraguako festak balkoietan ospatu zituzten [Arg.: Arraguako Jai Batzordea].
COVID-19ak sortutako egoerak hainbat gauza bertan behera utzi ditu. Tartean, herriko festa nagusiak. Pasa den astean jakinarazi zuten xanistebanak ez zirela egingo.
Hala ere, ez dira herriko festa bakarrak. Auzoetako festa batzuk ez ohiko moduan ospatu dituzte, eta oraindik gehienak falta dira. Horiei buruzko hausnarketa partekatu nahi du gaur arratsaldean udaleko Kultura Sailak.
Auzoetako festak antolatzen dituzten elkarteekin zein jai batzordeekin bilduko dira udaleko ordezkariak, gaur arratsaldean. Udaletxeko areto nagusian elkartuko dira.
