Eskuzko pasakako txapelketan izena emateko aukera dago
Bederatzigarren ekitaldia egingo dute, herrikoien mailan. Neurriak hartuko dituzte, tartean Arraguako pilotalekuan jokatzekoa.
Udaletxeko arkupetan jokatu ohi da eskuzko pasakako txapelketa.
Txost pilota elkarteak Eskuzko Pasakako Txapelketa antolatu du aurten ere. Bederatzigarren ekitaldia izango da aurtengoa.
COVID-19ak zuzenean eragingo dio txapelketari. Horregatik, Arraguako pilotalekuan jokatuko dituzte partidak, kontzejupeko tartea libre uzteko.
Aurten maila bakarra egongo dela jakinarazi dute, herrikoiena. Jokatu nahi dutenek, datorren larunbatera arte —hilak 18— izango dute izena emateko epea. Horretarako, 670 40 76 01 edo 610 45 23 25 telefono zenbakietara deitu beharko da.
Txapelketa datorren astean bertan hasiko da, eta abuztuan jokatuko dituzte finalak.
