[Galeria] Artea, dantza edo pasta tailerrarekin, oiartzuarrak, pozik
Kulturabirusaren hirugarren asteburua pasatu berritu dute. Hiru biñakaren ekitaldi berria egin dute, baita pasta tailerra, Zituenerekin.
Hatxe eta Eneko Gilek sortutako emanaldiaren irudia. Kulturabirusa dinamikak hirugarren asteburua pasatu berri du. Ostegunean Kolore festa egin zuten Alaiartekin, Iturriotzen, eta udaletxeko pleno aretoan kutxa menstrualen tailerra egin zuten.
Ostiralean Hiru biñaka esperimentazio artistikoen hirugarren ekitaldia egin zuten. Herriko hiru txokotan batu ziren Izar Aizpuru dantzaria eta Alaia Gaztelumendi ilustratzailea, alde batetik; Eneko Gil dantzaria eta Hatxe musikaria, bestetik; eta Alaia Martin bertsolaria eta Ainara Lasa sortzailea, azkenik.
Larunbat goizerako prestatutako ekitaldia familientzako izan zen. Pasta tailerra egin zuten Karrikako pilotalekuan (argazki galerian ikastaro horren eta Hiru biñaka-renak ikus daitezke).
Asteburuari ginga jarri zion Oiartzungo Flauta Taldearen eta Bi Bemolen kontzertuak.
Datorren asteburuan ekitaldi gehiago egongo dira (ikus egitarau osoa hemen). Igandean egitekoak diren Ondarea Herrian familia planaren ordua aldatu dute. 11:00etan izan beharrean, 10:00etan izango da jolasa eta Historia uztartuko dituen ekitaldia. Sarrerak, gainontzeko ekitaldietarako bezala, turismo bulegoan hartu beharko dira.
