Jexux Leonet: "Udara honetan, asko zaindu eta izan zaitezte zoriontsu"
Jexux Leonet alkateak, ez-xanistebanen atarian, gogorarazi du ez dela festarik egongo. Orain arte bezain arduratsu jokatzeko eskatu die oiartzuarrei.
Datorren igandea abuztuaren 2a izango da. Egoera normal batean, xanistebanak hasteko eguna izango litzateke, baina COVID-19ak dena baldintzatu du, eta egoera normalik ez da.
Jexux Leonet alkateak mezu bat helarazi die oiartzuarrei, urtero data honetan egin ohi duen moduan. Aurtengoa, baina, ezberdina izan da, udalak bideo bat . Nabarmendu duenez, aurten ez da xanistebanik izango, ezta ordezko festarik ere. “Festa batzordeak horrela erabaki du udalarekin batera. Erabaki gogorra izan da, baina ardurarekin hartutakoa izan da”, gogorarazi du.
Alkatearen esanetan, oiartzuar guztiak ongi erantzuten ari zaizkio sortu den errealitate berri horri. “Ziur nago oiartzuar guztiek ulertzen dutela erabakia. Horren aurrean arduraz jokatu behar dugu”. Azkenik, oiartzuar guztiei mezu bat helarazi die: “Udara honetan, asko zaindu zaitezte, eta zoriontsu izan”.
