'A Igarondo' dokumentalak jantziko du San Inazio kontzertua
EMKEk Eresbil Musikaren Euskal Artxiboarekin elkarlanean egin du dokumental hori. Proiektuaren ardatz nagusia, euskal konposizioen berreskuratze musiko-historikoa da.
Musika Banda Madalen Eguneko kontzertuan. Zuzenekoa egin nahi zuen EMKE Musika Bandak San Inazio eguneko kontzertu handia, baina ezinezkoa izango da, eta azkenean, online eskainiko du. Konfinamendua gogorra izango zen EMKErentzat gainontzekoentzat bezalaxe, baina oparoa ere izan den zalantzarik ez dago, eta ez madalenen online egitarauari egindako ekarpenarekin argi utzi bazuten, biharkoan, oparotasun horren beste ale bat erakutsiko du: A Igarondo dokumentala.
EMKEk Eresbil Musikaren Euskal Artxiboarekin elkarlanean egin du dokumental hori. Proiektuaren ardatz nagusia, euskal konposizioen berreskuratze musiko-historikoa da: “Partitura zaharra eguneratu eta egokitu dugu batetik, eta piezaren berreskurapen historikoa egin bestetik, Frankismo garaian pieza horrek izan zuen esanahi sinbolikoa gogora ekarriz”.
EMKE Musika Bandarekin batera Ereintza Dantza Taldeko dantzariek hartu dute parte.
Emanaldia, San Inazio martxarekin osatuko du EMKEk. Hori guztia, bihar, San Inazio egunarekin 22:30etatik aurrera EMKE Musika Bandaren webgunean.
