Ohiko ordutegira bueltatu dira Xorrola eta biblioteka
Irailaren 1a den honetan, Oiartzungo garraio zein kultura zerbitzu horiek udako ordutegia atzean utzi dute, ohikora bueltatzeko.
Biblioteka goizez eta arratsaldez egongo da irekita.
Gaur irailaren 1a da, errutinara buelta modu sinbolikoan markatzen duen eguna. Horregatik, Oiartzungo bi zerbitzu publiko ohiko ordutegira bueltatuko dira.
Modu horretan, Xorrola udal autobus zerbitzua 30 minutuero aterako da Arraguatik. Lehenengoa 07:10ean ateratzen da, eta azkena, berriz, 22:10ean. Ordutegi guztiak esteka honetan ikus daitezke zehatzago.
Manuel Lekuona bibliotekan ere bai ohiko ordutegira bueltatuko dira. Astelehenetik ostiralera goizez 09:00etatik 13:00etara egongo da irekita. Arratsaldetan beste lau orduz emango du zerbitzua: 16:00etatik 20:00etara. Larunbatei dagokienez, goizeko ordutegia izango du.
Ohiko ordutegira bueltatzeak ez du esan nahi normaltasunera itzuliko direnik. Gainontzeko tokietan bezala, maskara jantzi beharko da toki horietan.
