Txinalka antzerki eskola aurten ere fokuen azpian arituko da
Oiartzungo helduen antzerki eskolan izena emateko epea ireki dute gaur, hilaren 11ra arte. Aurten online eman beharko da izena.
Gaurtik hasi, eta hilaren 11ra arte, Txinalka helduen antzerki eskolan izena emateko aukera egongo da. Inskripzioa egitea baldintzatuko du COVID-19ak: aurten online egin beharko da.
Galdetegi bat igo dute Internetera. Bete ondoren, ordainagiria e-posta bidez bidali beharko da Oiartzungo Udaleko Kultura Sailaren helbidera.
Ikasturtearen prezioa 80 euro izango dira oiartzuarrentzako. Herritik kanpo bizi direnek, berriz, 100 euro ordaindu beharko dituzte. Laboral Kutxako 3035 0126 60 1260900006 kontu korrontean egin behar da ordainketa.
Eskolak asteazken arratsaldetan izango dira, Karaez kaleko 4 zenbakiko lokalean. 19:00etatik 21:00etara izango dira saioak, eta Tessa Andonegi aktoreak gidatuko ditu. Ikasturtea hilaren 16an hasiko dute.
Informazio gehiago nahi duenak Andonegiri idatz diezaioke, e-posta bidez.
