[Galeria] Oiarpe pilota elkarteak aurtengo taldeak aurkeztu ditu
Madalensoron aurkeztu dituzte taldeak. Lau izango dira: haurrak, gaztetxoak, gazteak eta helduak. 30 pilotari arituko dira txapelketatan.
Oiarpe Pilota Elkarteak bere taldeak aurkeztu zituen atzo arratsaldean, egoitza duen Madalensoro pilotalekuan. Hastear den 2020/2021 denboraldi honetan, 30 pilotarik defendatuko dute klubaren izena, lau taldetan banatuta.
Haur mailan hamar pilotari arituko dira; gaztetxoenean, hamabi; Gazte Mailan, zazpi arituko dira eta helduetan, 11.
Talde gazteenak begirale gisa Ander Imaz pilotari profesionala izango du. Gainontzeko taldeak Ioritz Manterolaren gidaritzapean arituko dira.
Beste denboraldi batez, Goieko enpresak babestuko du kluba, eta aurkezpenera joan Xebier Mendiburu ordezkaria. Oiarpe Pilota elkarteko ordezkaria Asier Retegi izango da.
Pasa den denboraldia eten egin behar izan zuten, COVID-19a dela eta. Aurtengoa, behintzat, hasiko da, segurtasun neurri bereziekin.
-
- Oiarperen helduen taldea.
-
- Oirperen gazteen taldea.
-
- Oiarperen gaztetxoen taldea.
-
- Oiarperen haurren taldea.
-
- Oiarpe Pilota Elkartearen familia irudia.
