COVID-19agatik infektatuen beheranzko joera Oarsoaldean: sei kasu gehiago
COVID-19agatik infektatuen beheranzko joera Oarsoaldean: sei kasu gehiago. Larunbat eta igandean zortzi izan ziren, ostiralean hogei.
Osasun Sailak emandako datuen arabera, atzo (astelehena) COVID-19agatik gaixotu direnen kopurua Oarsoaldean sei pertsonakoa izan zen, hiru oiartzuar, bi errenteriar eta pasaitar bat. Lezon zero positibo izan dira.
Azken egunetako datuak eskuan, beheranzko joera dagoela atzeman daiteke, Euskal Autonomia Erkidegoan egindako PCR proba kopurua egun horietan antzerakoa izanik. Hala, joan den ostiralean 20 positibo jaso zituzten Oarsoaldean, eta larunbat nahiz igandean zortzina.
Ondoko estekara sartuz gero, gaur Osasun Sailak zabaldu duen txostena osorik ikus daiteke.
Gabierrotako adinekoen egoitzan positibo bat
Errenteria-Oreretako Gabierrota auzoko zaharren egoitzako egoiliar bat positiboa izan da COVID-19an. Hala jakinarazi zuen atzo Gipuzkoako Foru Aldundiak bere web orriaren bidez. Bertan eman den lehen kasua da.. Dagoeneko PCR probak egin dizkiete kutsatutako egoiliarraren planta berean dauden egoliarrei, eta egoitzako gainontzeko egoiliar eta langileei ere egiten ari zaizkie.
