OrriBakar literatur lehiaketarako lanak aurkez daitezke
6-16 urte bitarteko lezoarrek har dezakete parte lehiaketan. Lanak azaroaren 20a arte aurkeztu ahal izango dira Lezoko Udal liburutegian.
2019ko saridunak, Andreonen. 
OrriBakar literatur lehiaketaren VII. edizioa martxan da; 6-15 urte bitarteko Lezoko haur eta gazteek har dezakete parte euren sorkuntzak azaroaren 20a arte aurkeztuz Lezoko Udal liburutegian. Izenak dioen moduan, lanak orri bakarrekoak izango dira luzeraz, euskarazkoak eta aurretik argitaratu ez direnak. Generoari eta gaiari dagokionez, ez dago baldintza berezirik, bertsoak, olerkiak, ipuinak, komikiak… onartuko dira; gaiaren aukeraketa ere askea izango da.
Guztira hamar sari banatuko dira, bi kategoria bakoitzeko (liburuak erosteko 100 euroko txartelak):
- A maila. 6-7 urte bitartekoak
- B maila. 8-9 urte bitartekoak
- D maila. 10-11 urte bitartekoak
- E maila. 12-13 urte bitartekoak
- F maila. 14-15 urte bitartekoa
Sari banaketa ekitaldia abenduaren 11n izango da, 19:00etan, herriko Udal Liburutegian. Lanak aurkezteko baldintza guztiak hemen klik eginez kontsulta daitezke.
