Mater ontziak itsaso eta hondartzako hondakinak bilduko ditu
Pasaiako ontzi museoak bi topaketa antolatu ditu hilabete honetarako: Itsas hondakinen arrantza 26an eta Alabortza senadiaren garbiketa 27an.
Mater Ontzi Museo Ekoaktiboak bat egin du Libera proiektuarekin, Ecoembes eta SEO/BirdLife -ekin batera. Iniziatibaren leloa “metro karratu bat hondartza eta itsasoengatik” da eta, horren barne, Pasaiako ontziak bi garbiketa deialdi aurreikusi ditu hil honetan, horien bien helburua, hondakinen bilketa egiteaz gain, hauen tipografia aztertzea da, gero jatorria ezagutu ahal izateko:
- Hilaren 26a. Itsas hondakinen arrantza, 12:00etatik 14:00etara.
- Hilaren 27a. Alabortza senadiaren garbiketa, 11:00etatik 13:00era.
Topaketekin bat egiteko aurretik izena eman beharko da; horretarako, edota informazio gehiago eskuratzeko, deitu 619 81 42 25 telefono zenbakira edo bidali mezu bat Materren helbide elektronikora. Jarduera guztietan derrigorrezko osasun eta segurtasun neurriak bermatuko dira.
