Hesi berria, altuagoa, Ondartxo pasealekua ixteko
Bizilagunek salatu dute zortzi hilabeteren ondoren hau dela agintaritzaren partetik jasotako erantzun bakarra: Hesi altuagoa herriko paseorik garrantzitsuena mozteko.
San Pedroko bizilagunen amesgaiztoa neguan hasi zen. Orduan izandako luizi batek Ondartxo pasealekua oinezkoentzako arriskutsu egin zuen eta ordutik itxita jarraitzen du herriko farora eta puntetara doan bideak.
Aste honetan aurretik zeuden hesiak kendu eta altuagoak nahiz sendoagoak diren beste batzuk ezarri dituzte jendea bidera sar dadin galarazteko. Herritarren erreakzioak berehalakoak izan dira, hori izan baita luzaroan Portuko Agintaritzaren partetik jaso duten informazio bakarra: “Hau da al agintaritzaren konponbidea? Hau al da sanpedrotarren bizitzak inporta duena?”