Oiarperen partiden kartelera eta bote luzeko programazioa (2020-09-18)
Pilota elkarteak martxa hartuta dabiltza honez gero, eta asteburuan partida dezente jokatuko dituzte, Oiartzunen zein kanpoan.
Oiarpeko gazteen taldeko pilotariak. Egoera ez da urte hasierakoa bezala, baina pilota elkarteak ez dira etxean geratu; pixkanaka ari dira pilotalekuetara bueltatzen.
Bote luzeko Euskal Herriko Txapelketa pasa den asteburuan hasi zen. Partida guztiak Bidasoaren eskubialdean jokatu zituzten, eta hasiko den asteburu honetan ere bide beretik jarraituko du.
Bihar —larunbata— Gipuzkoa Bat taldeak (Txost elkarteko pilotariak daude) Amikuzeko taldearen kontra jokatuko du Saran (Lapurdi). 10:00etan hasiko da bote luzeko partida hori. Jardunaldiaren detaile guztiak ikusteko, sakatu esteka honetan.
Txost, abian
Esku huska aritzen diren Oiarpeko pilotariek asteburuan hasiko dituzte partidak. 11 partida norgehiagoka dituzte programatuta, eta horietako bost Madalensoroko ezker hormako pilotalekuan izango dira. Oiarpekoen kartelera osoa ikusteko, egin klik hemen.
