Ane Santesteban Mitchelton Scott taldean arituko da datorren deboraldian
Mitchelton Scott txirrindulari taldeko kirol zuzendariak azaldu duenez, eskalada taldea osatu nahi dute eta Santesteban talde horretan sartzea erabakigarria izango dela uste du.
Mitchelton Scott talde australiarrarekin lehiatuko da Ane Santesteban datorren denboraldian. Hala jakinarazi du bere sare sozialen bidez txirrindulari errenteriarrak, eta pozik azaldu da erabakiarekin. Mitchelton Scott txirrindulari taldeko kirol zuzendariak azaldu duenez, eskalada taldea osatu nahi dute eta Santesteban talde horretan sartzea erabakigarria izango dela uste du. Spratty, Kennedy eta Williamsekin batera ariko da eskalada talde horretan.
Ibilbide oparoa du txirrindularitzan errenteriarrak, eta emaitzak ere halakoak izan ditu. Amaitu berri den Italiako Giroan zazpigarren postuan sailkatu da Santesteban. 2013an, Espainiako txapelketa irabazi zuen, eta bigarren sailkatu da aurten, eta Emakumeen Biran zortzigarren sailkatu zen iaz.
Larunbatean, Munduko Txapelketan lehiatuko da txirrindulari errenteriarra. Santestebanek, iraupen lasterketan hartuko du parte.
