Udaleko administrariak berdintasun politiketan formatzen ari dira

23 administrarik formazio saioak jasotzen ari dira. Berdintasun politiketan oinarrizko printzipioak ezagutu dituzte.

oiartzun administrariak berdintasuna

Aste honetan jaso dute lehenengo formakuntza tailerra.

Oiartzungo udaletxean lan egiten duten 23 administrari berdintasun politiketan formakuntza saioak jasotzen ari dira egunotan. Udalak adierazi duenez, berdintasun politiken oinarrizko printzipioak ezagutzeaz gain, administrari lanpostuei zuzendutako formakuntza ere jasoko dute.

Bi saio egingo dituzte, bost orduko formazioa jasotzeko. Atzo egin zuten lehenengo saioa, eta datorren astean egingo dutenarekin bukatuko da.

“Berdintasun politiketan formakuntza izatea ezinbestekoa da udal jarduna berdintasun ikuspegiarekin egiteko”, adierazi du udalak. Horregatik, berdintasunaren lanketa udaleko langile eta erakunde askorekin egin dute: zinegotziekin hasi, ondoren teknikariekin eta, orain, administrariekin.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.