Sortuk ekitaldia egingo du Txiki eta Otaegiren fusilamenduen 45. urteurrenean
'Arian-arian, altxa Euskal Herria' ekitaldia egingo du igande eguerdian, plazan. Burujabetza aldarrikatuko dute, iraganari begirada eginez.
Etzi irailaren 27a da. Aurten 45 urte beteko dira Txiki eta Otaegi ETAko kideak zein FRAPeko beste hiru kide fusilatu zituztenetik.
Egun horretan urtero egiten den bezala, ezker abertzaleak ekitaldia antolatu du. Sortuk Arian-arian, altxa Euskal Herria ekitaldia egingo du Done Eztebe plazan, 12:30etik aurrera.
Sortuk azaldu duenez, burujabetz(ar)en aldeko ekitaldia izango da, eta zapalkuntzaren kontrakoa. “Subordinazioaren aurka matxinatu ziren gazte eroen” borroka oroituko dute, eta borroka askatzailea dela aldarrikatu, beste mundu bat eraikitzeko tresna delako. Borrokan aritu direnentzako omenaldirik onena horretan jarraitzea dela ziurtatu dute.
