Asteazkenean bueltatuko dira plenoak, Mendiburu 14ri buruzko puntu batekin
Hamar puntuko udalbatzarra egingo dute iraileko azkeneko egunean. Euskaraldia, Behemendi edo eskola kirola bezalako gaiak jorratuko dituzte.
![plenoa iraila 2020 oiartzun](https://oarsoaldea.hitza.eus/site/files/2020/09/dsc_0451-500x313.jpg)
Ekaineko plenoa.
Abuztuko etenaren ondoren, datorren asteazkenean —hilak 30— izango da ikasturte berriko lehenengo udalbatzarra. 19:00etan hasiko da, eta bertan hamar puntuko gai zerrenda izango dute esku artean.
Punturik nabarmenena Mendiburu 14ri buruzkoa izango da. Honela esaten du, hitzez hitz: “Oiartzungo Mendiburu kalea 14ko zerbitzu anitzeko udal ekipamenduaren proiektuko 1. Fasea: eraispen proiektuaren- eta 3 fasea: oinarrizko eta gauzatze proiektuaren- lanen kontratuaren etenaldiaren berri ematea”.
Horrez gain, Eskola Kirola, Muittu! eta eskola orduz gaineko ekintzen koordinazioarako Elizalde Herri Eskolarekin sinatutako 2019/2020 ikasturterako hitzarmena berrikusiko dute berriro.
Euskaraldiari buruzko puntu bat egongo da, modu berean. Adierazpen instituzional bat proposatuko dute.
Gai zerrenda osoa ikusteko, egin klik esteka honetan.