[Datu eguneratuekin] Astebetean, COVID-19agatik 87 kutsatu Oarsoaldean
Infektatu gehienak Errenteria-Oreretakoak dira. 100.000 biztanleko tasan, ordea, Lezok du batez bestekorik handiena, alde nabarmenarekin beste herriekiko.
Euskal Autonomia Erkidegoan koronabirusak kutsatutakoen datuek beheranzko joera duten bitartean, Oarsoaldean ez da hala izaten ari. Izan ere, azken zazpi egunetan 87 kasu berri atzeman dituzte, aurrekoetan baino gehiago: 53 Errenteria-Oreretan, hamasei Pasaian, hamahiru Oiartzunen eta bost Lezon. Atzoko datuak horren isla dira: Errenteria-Oreretan COVID-19agatik 11 infektatu gehiago zenbatu zituzten, hiru Oiartzunen, bi Pasaian eta bakarra Lezon.
Gauzak horrela, azken zazpi egunetako 100.000 biztanleko gaixotuen tasa handitu egin da eskualdeko lau herrietan. Lezok ditu bereziki kezkatzeko datuak. Honako zerrendan daude tasa horiek:
- Errenteria-Orereta: 271,54 infektatu 100.000 biztanleko azken zazpi egunetan.
- Pasaia: 299,2.
- Oiartzun: 144,91.
- Lezo: 442,48.
- Gipuzkoako batez bestekoa: 280,88
Osasun Sailak atzoko datuak eta beste asko bilduta dituen txostenaren berri eman du gaur. Beheko estekan klik eginez gero, osotasunean jaso daiteke.
